Turnfahrt 2014

Warum in die Ferne schweifen, sieh das Gute liegt so nah!

Unger däm motto si mir a die diesjährigi Turnfahrt, ds einzige wo mir bim aträte vo dere Reis hei gwüsst isch, dases ufe Wiessestei geit u das si nid so tolls Wätter hei gmäudet. Trotz däm hei mir üs am Samsti morge bi zyte ds Biel am Bahnhof troffe u si mitem Zug richtig Solothurn West. Dört hei mir üs langsam afa gedanke mache wo bliebt dr Res wo widermau diräkt vo Bärn här isch cho, schliesslech het är jo am Beat gseit är mäudi sich de wen är ds Solothurn isch. Mir si glich mau richtig Oberdorf witer mitem Zug bim ustiege hei mir de gmerkt das dr Res im glich Zug isch ghocket eifach e Wage witer hinge. Leider hei mir ds.Poschi müese nä für ufe da ds neue Bändli no nid ganz fretig isch ( wird bout vom Mänu sire bude wo ou drbi isch gsi ouso isch är dr schuldig gsi hei mir churzer Hand entschide). Dobe acho isch mau es Kafi noche gsi schliesslech hei mir när e längi wanderig vor üs gha u mir hei jo nid gwüst was ds Wätter no wot , drum no schnäu öbis warms. Wärendem Kafi het üs dr Beat verate wo dases häre geit ouso heimer gwüst was öbe uf üs zuechund. Mir hei üs ufe wäg gmacht richtig Gränchebärge, nachemne dritu vo üsere reis het üs es chlisse hüngerli plaget drum hei mir amne schöne plätzli es Pöiseli igleit wo natürlech es glesli wysse nid het dörfe fähle( es isch de scho 11i gsi). Wo mir när witer si , zum waud use ufs offne fäud, hets natürlech müesse afa rägne aber zum glück nur churz.
Um nüme gross ufs wätter idsgah mir heis im grosse u ganze guet breicht weme d Wätterbrichte het agluegt, es isch haut immer wider es jagge alegge u wider abzieh gsi, zum deu heimmer richtig sunnigi abschnitte gha u si richtig is schwize cho.
Nachemne rütschige ufstig hei mir de mau ds Mittag gässe wo üs dr Mänu mit eim vo sine legen- wartenschnäu dere Kaffi verwöhnt het. Vo dört us ischs aues obe düre ufe Obergränchebärg u när abe zum Ungergränchebärg wo mir de schlafe. Bim abeloufe ar strass entlang het üs no e regionali prominänz krüzt dr Stucki Chrigu. Nach 12 Killometer hei mir üses Tagesziel ereicht jetz isch mau e rundi Jasse agseit gsi. Wos de langsam isch früsch worde simer ga Zimmer bezieh u es Düscheli ga zwicke, zu de Zimmer isch nume dsäge top es richtigs Näst mit Duvet eifach chli ds churz füre Jan aber das isch haut e so. Zum Znacht hets när a la cart gä ziemliche schnäu het sich e favorit use kristalisiert, es Angus Beef Farmer Steak, das isch dr füdliblutwahnsin gsi das ässe.

IMG-20141018-WA0001IMG-20141018-WA0002
Zum Dessert hets när no es Vermicelles gäh für di wono hei möge, grundsätzlech het äuä kene meh möge das isch nur no gluscht gsi aber zum glück ischs nur e chlini portion gsi lut Beizerin was aber kenne het chöne bestätige.
Dr zuefau hets wöue das a däm Abe no d Stärnwarti vom Ungergränchebärg het offe gha u mir dört e chlini füerig hei dörfe gniesse. Wider ir Beiz acho hei mir no chli hose abe gspiut u si de när mau is Bett. Zmorge hets abde haubi 9i gä ganz ungerem motto klein aber fein, kes rissigs büffet aber mega fein. Nachere churze besprächig wie witer hei mir üs entschiede das mir mau richtig Plagne ufbräch u hoffe das ds wätter hebt. Dr gröst deu vor Reis isch über Fäuder gange wos natürlech ou Chüe druf het gha. „wie wärs mitemne Selfie?“ het sech dr Mänu dänkt und sich ane hübschi Dame angschlich, wo när vor schreck ufgstange isch u dervo.

IMG-20141018-WA0003
Witer geits. Churz vor Plagne hets es chlisse ungständli gha wo mir im trochne hei chöne Zmittag ässe. Da ds Wätter het mit gspiut hei mir üs entschiede witer ds marschiere richtig Frinvillier wo mir de dür Tubelochschlucht retour uf Biel gö. Es Paar vo üs hei no müesse feststeue das wens nass isch cheibe glat cha si uf den schmale Wanderwägli, deu vo üs wärdes no am mänti gspürt ha angeri hei cheibe glück gha. Bim igang zur Tubelochschlucht   het das plötzlech afa schieffe wiene more aus hei mir fasch müesse zuche ha bir Beiz. Si isch ziemlech vou gsi aber nid wäge de lüt sonder wiu e angeri gruppe Wanderer ds gfüeu het gha das isch e Wöschchuchi u di läre Stüehl d Wöschhänki. Wos de wider ufghört het hei mir no dr wäg dür d`Schlucht i agriff gno wo sehr agnähm isch gsi zum abschluss. Ds Bözinge acho nach 18 Killometer hei mir üs vo nang verabschidet u hei di individueli hei reiss aträtte da ja jede usemne anger egge chunt. I blicke ufene schöni Turnfahrt zrügg u wet hie no einisch am Beat Merci säge fürs organisiere u hoffe das mir nöchst Johr e chli meh si aus nume 5 lüt mindistens ds dopplete erwarti.
Gruess Kevin